承母理想周蕙禮成建築師：「要記住城市味道、風聲」

文/方楚茵

周蕙禮早在1995年已自立門戶，成立自己的建築公司WDA Group，她公司會議室內，掛了十多幅從高樓與高樓之間望向天空的照片。她笑言有家族遺傳，自細喜歡行街睇樓，觀察民生：「每一次望出窗口，我就好鍾意望住啲樓，點解會咁起？」在本港做建築師更是幸運，「唔需要畫過一千、一萬支樓（圖則），你一睜大眼、一落街就係case study（案例），醫生都唔會吓吓見到病人呀嘛。」

要從周蕙禮口中套出一兩句家族事頗難，她表示也許是家族遺傳，才對建築產生興趣，事關其母是日本人，外公則是畫家、設計師，周母原亦想唸建築，卻因第二次世界大戰未能成事，來到周蕙禮一代終於實踐。

她坦言是其背景，造就自己有「多幾個世界可以走」，在英、美讀書，香港執業，母親是日本人，自己又喜歡旅行，每一個地方都牢記經驗。除因工作睇地、睇樓，亦會落區訓練五官：「做建築師唔止用對眼，要用五官，諗返記憶，要記得個味道、風聲…」，好似去天星碼頭就有咸咸的海風味，也試過去舊街市38蚊買一餐飯，十蚊幾條的節瓜，了解地區需要、原生基因，取得新舊平衡。

她是香港建築師學會專業評核試考官，可謂主宰萬千建築系學生的前程。她坦言和現今的年輕人溝通，發現大家都少了一份香港人的「Can do spirit」，常常鍾意就「熄機」，當事不關己，「但人生唔可以熄機，做專業人士不會萬事通，但至少別輕易放棄。」

更多精彩內容，請詳閱蘋果日報。